AFC U-23 Asian Cup 2022 កម្ពុជា ស្ថិតក្នុងពូល សុទ្ធតែជាមួយក្រុមខ្លាំង

0
226
CAMSOC-ភ្នំពេញ៖ ក្រុមជម្រើសជាតិយុវជនអាយុក្រោម ២៣ឆ្នាំ​កម្ពុជា បាន​ស្ថិត​ក្នុង​ពូល K ជា​មួយ​ក្រុម​ខ្លាំង​ជប៉ុន និង​កូរ៉េ​ខាង​ជើង នៃ​វគ្គ​ជម្រុះ​ពាន​រង្វាន់​ជើង​ឯក​យុវ​ជន​អាយុ​ក្រោម២៣​ឆ្នាំ​ ប្រ​ចាំ​ទ្វីប​អាស៊ី (AFC U-23 Asian Cup 2022)។ នេះ​ បើ​តាម​លទ្ធ​ផលនៃ​ការ​ចាប់​ឆ្នោត​នា​រសៀល​ថ្ងៃទី៩ ខែ​កក្កដា ឆ្នាំ​២០២១នេះ ដែល​រៀប​ចំ​ដោយ​សហ​ព័ន្ធ​កី​ឡា​បាល់​ទាត់​អា​ស៊ី​ (AFC) នៅ​ទី​ស្នាក់​ការ​កណ្ដាល​របស់​ខ្លួន នា​ទី​ក្រុង​គូ​ឡា​ឡាំ​ពួរ ប្រ​ទេស​ម៉ា​ឡេ​ស៊ី។
May be an image of 11 people
May be an image of 1 person and playing a sport
ព្រឹត្តិការណ៍បាល់ទាត់យុវជនប្រចាំទ្វីបអាស៊ីនេះ មាន ៤២ក្រុម​ចូល​រួម និង​បែង​ចែក​ជា១១ពូល ដោយពូលនីមួយៗ មាន៤ក្រុម លើកលែងតែពូល F និងពូល K ដែលមានត្រឹម៣ក្រុមប៉ុណ្ណោះ ក្នុងមួយពូល។ ចំពោះការប្រកួតជម្រុះ គ្រោងធ្វើឡើងចាប់ពីថ្ងៃទី២៣-៣១ ខែតុលា ឆ្នាំ២០២១ ខាងមុខ ដើម្បីចម្រាញ់រកក្រុមខ្លាំង ឡើងទៅជុំចុងក្រោយ នៃពានរង្វាន់ AFC U-23 Asian Cup 2022 នៅប្រទេសអ៊ូបេគីស្ថាន ដែលគ្រោងប្រកួតពីថ្ងៃទី០១-១៩ ខែមិថុនា ឆ្នាំ២០២២។
May be an image of text that says "U23 ASIAN CUP U23 ASIAN CUP U23 ASIAN AFC U23 ASIANCUP UZBEKISTAN2022 QUALIFIERS WEST GROUP A A1 A2 GROUP B B1 a3 SYRIA QATAR (H) YEMEN SRI LANKA B2 A4 IR IRAN TAJIKISTAN (H) LEBANON NEPAL B3 B4 GROUP c C1 C2 GROUP D IRAQ BAHRAIN (H) AFGHANISTAN MALDIVES C4 D1 SAUDI ARABIA D2 BANGLADESH D3 KUWAIT (H) UZBEKISTAN D4 GROUP E E1 UAE (H) OMAN E2 GROUP F F1 e3 INDIA E4 F2 F3 JORDAN (H) PALESTINE TURKMENISTAN KYRGYZ REP."
May be an image of text that says "U23 ASIAN CUP U23 ASIAN CUP U23 ASIAN AFC U23 ASIANCUP UZBEKISTAN 2022 QUALIFIERS EAST GROUP G G1 GROUPH AUSTRALIA G2 CHINA PR G3 INDONESIA (H) H1 G4 BRUNEI DS KOREA REP. H2 SINGAPORE (H) H3 TIMOR-LESTE H4 PHILIPPINES GROUP I 11 GROUP 12 13 VIETNAM MYANMAR HONG KONG 14 THAILAND MALAYSIA J1 J2 J3 J4 CHINESE ΤΑΙΡΕΙ (H) LAOS MONGOLIA (H) GROUP K K1 K2 DPR KOREA JAPAN CAMBODIA K3"
គួរដឹងថា កាលពីឆ្នាំ២០១៩ ក្រុមយុវជន U-23 កម្ពុជា ធ្លាប់បានចូលរួម និងធ្វើម្ចាស់ផ្ទះវគ្គជម្រុះពូល H តែបានធ្លាក់ត្រឹមវគ្គជម្រុះ បន្ទាប់ពីចាញ់អូស្ដ្រាលី ៦-០, ចាញ់កូរ៉េខាងត្បូង ៦-១ និងស្មើក្រុមឆាយនីតៃប៉ិ ១-១ នៅពហុកីឡដ្ឋានជាតិ។ ពានរង្វាន់យុវជន U-23 ប្រចាំទ្វីបអាស៊ីនេះ បានបង្កើតដំបូង កាលពីឆ្នាំ២០១៣ ដោយរៀបចំរៀងរាល់២ឆ្នាំម្ដង ខណៈក្រុមជើងឯក៤សម័យកន្លងមក រួមមានក្រុម U23 អ៊ីរ៉ាក់ (ជើងឯកឆ្នាំ២០១៣), ជប៉ុន (ជើងឯកឆ្នាំ២០១៦), អ៊ូបេគីស្ថាន (ជើងឯកឆ្នាំ២០១៨) និងកូរ៉េខាងត្បូង (ជើងឯកឆ្នាំ២០២០)៕
May be an image of 3 people, people playing sport and outdoors
May be an image of 2 people, people playing sport and outdoors
Loading...