ស្រួង ភាវី ត្រៀមខ្លួនប្រកួត ពានរង្វាន់ PBA Team League ដែលមាន​ប្រាក់​រង្វាន់ ១០​ម៉ឺន​ដុល្លារ

CAMSOC-ភ្នំពេញ៖ កីឡាការិនីស្នូកឃ័រឆ្នើមកម្ពុជា ស្រួង ភាវី បាន​ចូល​រួម​ការ​ប្រ​កួត​កី​ឡា​ស្នូក​ឃ័រ​កា​រ៉ុម​ជ្រើស​រើស​ជើង​ឯក PBA Team League 2021-2022 ដែល​ជា​ព្រឹត្តិ​ការណ៍​ដ៏​ធំ​ថ្មី​មួយ​ទៀត នៅ​ប្រ​ទេស​កូ​រ៉េ​ខាង​ត្បូង បន្ទាប់​ពី​លោក​ស្រី​ដណ្ដើម​បាន​ជើង​ឯក​ពាន​រង្វាន់​កម្រិត​ពិ​ភព​លោក Blue One Resort LPBA Championship 2021 (ផ្នែកនារី) កាល​ពី​ចុង​ខែ​មិ​ថុ​នា​កន្លង​ទៅ។
May be an image of 6 people, people standing and indoor
May be an image of 8 people, people standing and indoor
លោកស្រី ស្រួង ភាវី បានឲ្យដឹងថា ការប្រកួតពានរង្វាន់ PBA Team League 2021-2022 គឺជាការប្រកួតជាក្រុម ដែល​មាន​កម្រិត​ប្រ​កួត​ប្រ​ជែង​ខ្លាំង បើ​ធៀប​នឹង​ការ​ប្រកួត Blue One Resort LPBA Championship កាល​ពី​ពេល​ថ្មីៗ ដែលជាការប្រកួតលក្ខណៈឯកត្តជន។
អ្វី​ដែល​ពិ​សេស​សម្រាប់ការប្រកួតជាក្រុមនេះ គឺថាក្រុមជើងឯក នឹង​ទទួល​បាន​ប្រាក់​រង្វាន់រហូតដល់ ១០ម៉ឺនដុល្លារឯណោះ។
May be an image of 1 person
កីឡាការិនីដ៏ល្បីរបស់កម្ពុជារូបនេះបន្ដថា ព្រឹត្តិការណ៍នេះ មាន​ក្រុម​ខ្លាំងៗ តំណាងក្រុមហ៊ុនយក្សនៅកូរ៉េចំនួន ៨ ចូលរួម ដែល​ចម្រាញ់​សុទ្ធ​តែ​កីឡាករ-កីឡាការិនីជើងខ្លាំងលំដាប់ពិភពលោក មកប្រកួត ជាក់​ស្ដែង​លោកស្រី​លេង​ឲ្យ​ក្រុម​ហ៊ុន Blue One Resort ជា​មួយ​មិត្ត​រួម​ក្រុម ៥​នាក់​ទៀត ដែល​មានជនជាតិអេស្ប៉ាញម្នាក់ និងកូរ៉េ ៤នាក់។ ចំពោះ​ការ​ប្រកួតគ្រោងធ្វើឡើងរយៈពេល ១ខែ ចាប់ពីថ្ងៃទី៦-កក្កដា រហូត​ដល់ដំណាច់ខែនេះ ដើម្បីចម្រាញ់រកក្រុមជើងឯក។
May be an image of 1 person and indoor
កីឡាការិនីមានប្រភពពីខេត្តត្បូងឃ្មុំ លោកស្រី ស្រួង ភាវី បាន​បង្ហាញ​នូវ​មោទនភាព ដែលទទួលបានការគាំទ្រ និង​ត្រូវ​បាន​អញ្ជើញ​ចូល​រួម​ការប្រកួតព្រឹត្តិការណ៍ធំៗជាបន្ដបន្ទាប់ ហើយ​លោក​ស្រីបាន​ប្ដេជ្ញា នឹង​ខិតខំ​ប្រឹង​ប្រែងឲ្យអស់ពីសមត្ថភាព ដើម្បី​ដណ្ដើម​លទ្ធ​ផល​ល្អ​ ជូន​អ្នកគាំទ្ររបស់ខ្លួន ទាំងនៅសាធាណរដ្ឋកូរ៉េ និងនៅកម្ពុជា ពិសេស​នាំ​មក​នូវ​កិត្តិយស​ជូន​ប្រទេសកំណើតរបស់ខ្លួនផ្ទាល់តែម្ដង។
May be a close-up of 1 person
ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និង​ជា​ប្រ​ធានគ​ណៈកម្មាធិការជាតិអូឡាំពិកកម្ពុជា(NOCC) ធ្លាប់​បានសម្ដែងនូវការកោតសរសើរជារឿយៗ ចំពោះការខិតខំប្រឹងប្រែងរបស់កីឡាការិនី ស្រួង ភាវី ហើយឯកឧត្តមបានជំរុញអោយលោកស្រីខិតខំហ្វឹកហាត់បន្ថែមទៀត ពិសេសលើប្រភេទវិញ្ញាសាស្នូកឃ័រ ដែលមានក្នុងការប្រកួតកីឡាស៊ីហ្គេម ដើម្បីមានលទ្ធភាពដណ្ដើមមេដាយជូនជាតិកាន់តែច្រើន ពិសេសរួមដំណើរឆ្ពោះទៅស៊ីហ្គេម ឆ្នាំ២០២៣ នៅកម្ពុជា ដ្បិតវិញ្ញាសាដែលលោកស្រីកំពុងប្រកបអាជីពបច្ចុប្បន្ន គឺប្រភេទកីឡាស្នូកឃ័រការ៉ុម ឬស្នូកឃ័រអាជីពនេះ មិនមានក្នុងការប្រកួតកីឡាស៊ីហ្គេមនោះទេ។
May be an image of 6 people, people standing and indoor
គួរបញ្ជាក់ថា នេះគឺជាលើកដំបូងហើយ ដែលលោកស្រី ស្រួង ភាវី បានចុះកុងត្រាប្រកួតតំណាងក្រុមហ៊ុននៅសាធារណរដ្ឋកូរ៉េ ដ្បិតរយៈពេលជាង ១០ឆ្នាំកន្លងមក ដែលលោកស្រីទៅរស់នៅ និងប្រកបអាជីពកីឡាស្នូកឃ័រការ៉ុមនៅទីនោះ លោកស្រីបានប្រកួតលក្ខណៈក្លឹប ដោយធ្លាប់ដណ្ដើមបានជើងឯកថ្នាក់ជាតិប្រចាំប្រទេសកូរ៉េជាច្រើនមកហើយ។ មិនតែប៉ុណ្ណោះ លោកស្រីក៏ធ្លាប់ចូលរួមប្រកួតជ្រើសរើសជើងឯកពិភពលោក ដោយដណ្ដើមបានមេដាយសំរឹទ្ធជូនប្រទេសកម្ពុជាទៀតផង៕
May be an image of 6 people, people standing and indoor