ប្រកួតបោកប្រាស់របស់ Floyd ធ្វើឱ្យគេរកបានជាង ១០០​ លានដុល្លារ

0
47

កីឡាករប្រដាល់អាជីព Floyd Mayweather បានបញ្ចប់ការប្រកួតហើយ ជាមួយនឹងតារាយូធូប Logan Paul នៅថ្ងៃត្រង់ ថ្ងៃទី ០៧ ខែមិថុនា ឆ្នាំ ២០២១ កន្លងទៅនេះ ដែលកម្មវិធីប្រដាល់ដ៏មួយនេះ ធ្វើឡើងក្នុងទីក្រុង Miami នៃសហរដ្ឋអាមេរិក ដោយបានលក់សិទ្ធិទស្សនាទៅដល់ទស្សនិកជនក្នុងម្នាក់ ៥០ ដុល្លារ និង ទូរទស្សន៍ធំៗនៅជុំវិញពិភពលោក បានប្រមាណជាជាង ២០០ លានដុល្លារ ។

បើគិតពីចំណូលសរុបនេះ គឺគេបានបែងចែកទៅដល់ខាងរៀបចំកម្មវិធី និង ការផ្សព្វផ្សាយនានាមួយចំណែក ខណៈដែលជាង ៥០ ភាគរយទៀត ត្រូវបានគេដឹងថាសម្រាប់កីឡាករទាំង ២ រូបនេះ ។ ក្នុងនោះ Floyd ត្រូវបានគេប៉ាន់ប្រមាណថាបើកលុយបានប្រហែល ១០០ លានដុល្លារ ព្រោះគេជាតួឯកក្នុងការប្រកួតនេះ ។ ចំណែកឯ តារាយូធូបដ៏ល្បី Logan Paul គឺបានប្រហែលជាជាង ២០ លានដុល្លារ ។

គួរឱ្យដឹងដែរថា Floyd Mayweather ជារឿយៗក្នុងមួយប្រកួតគឺគេអាចរកលុយបានយ៉ាងហោចណាស់ក៏ប្រហែលជា ១០០ លានដុល្លារដែរ ខណៈដែលប្រកួតលើកនេះ គឺត្រូវបានចាត់ទុកថាជាប្រកួតដែលគេរកលុយបានតិចជាងគេបំផុតហើយ តាំងពីគេមានកេរ្តិ៍ឈ្មោះល្បីល្បាញមក ៕

ប្រភព ៖ masfight

Loading...