Yaya Toure: ពេល​នេះ Man U គឺស្ថិត​នៅ​ក្រោម​ស្រមោល​របស់ Man City

0
1149

កីឡាករ Yaya Toure បាន​បង្ហាញ​នូវ​អារម្មណ៍​សប្បាយ​រីក​រាយ និង មាន​មោទនភាព​ចំពោះ​ជោគ​ជ័យ​​របស់​ក្រុម​មេឃ​ខៀវ Man Cityនា​រដូវ​កាល​នេះ ដោយ​យល់​ថា ក្រុម​មេឃ​ខៀវ បាន​ដើរ​ចេញ​ពី​ក្រោម​ស្រមោល​របស់​ក្រុម​បិសា​ចក្រ​ហម​ហើយ។

ខ្សែ​បម្រើ​វ័យ​ចំ​ណាស់​រូប​នេះ​អាច​និង​ចាក​ចេញ​ពីក្លឹបនា​ក្រោយ​ចប់​រដូវ​កាល​នេះ​ហើយ បន្ទាប់ពី​បាន​ចំណាយ​ពេល​អស់ ៨ឆ្នាំ​នៅ​ទឹក​ដី​Etihad Stadium។ ក្នុង​រយះ​ពេល​៨ឆ្នាំ​នេះ Toure បាន​ជួយ​អោយ​ក្រុម​លើក​ពាន Premier League ចំនួន ៣ដង ដែល​ច្រើន​​ជាង​គូ​ប្រជែង​ប្រចាំ​ទី​ក្រុង​គឺ Manchester United ដែល​ឈ្នះ​បាន​តែ ២ដង ប៉ុណ្ណោះ។

Toure បាន​អោយ​ដឹងថា ពេល​ដែល​ខ្ញុំ​មក​ដល់​ទី​នេះ​ដំបូង ពួក​យើង​គឺ​មិន​អាចប្រៀបជា​មួយ United បាន​ទេ។ ពួក​គេ​មាន​ពាន​យ៉ាង​ច្រើន ហើយ​បាន​ឡើង​វគ្គ​ផ្ដាច់ព្រាត់ Champion League ច្រើន​ដង​ទៀត​ផង។ តែ​នេះ​ហើយ​ជា​គោល​បំណង​ដែល​ខ្ញុំ​មកទី​នេះ​​គឺ​ដើម្បី​ជួយ​អោយ Man City ក្លាយ​ជា​ក្រុម​ខ្លាំង និង គ្របដណ្ដប់មកលើ Man U វិញ។ ជោគ​ជ័យ​​មួយ​ក្នុង​ចំណោម​ជោគ​ជ័យ​ជា​ច្រើន​​គឺ ការ​ដែល​យើង​បាន​ទម្លាក់ Man U ចេញ​ពីពាន FA Cup វគ្គ​ពាក់​កណ្ដាល​​ផ្ដាច់ព្រាត់ កាលពី​ឆ្នាំ​២០១១ ហើយ​ឡើង​ទៅ​លើក​ពាន។​ ពេល​នេះ Man U គឺស្ថិត​នៅ​ក្រោម​ស្រមោល​របស់​ពួក​យើង។

Loading...